విరహాలను అగ్గిపూలు వెదజల్లకె నా ప్రేయసి
ప్రణయాలను రాగమాల మెడనేయవె నా ప్రేయసి
ఉషోదయపు రవి కాంతుల నీ తనువే మెరసిపోగ
ఉదయించిన జాబిల్లే నీ వదనమె నా ప్రేయసి
కమ్మనైన పికముపాట నీ గళమై వినిపించగ
మదినుండే మమతలేమొ పొంగి పొరలె నా ప్రేయసి
కొండ కోన శబ్దించగ నీ పలుకులె అనుకున్నా
సెలయేరుగ నీ నవ్వే భ్రమియించితె నా ప్రేయసి
కరి మబ్బుల దారివెంట భ్రమరములే వరుస కట్ట
నీలిమబ్బు చాటుకురులు దరిశించితె నా ప్రేయసి...
డా. శ్యామల గడ్డం....02-01-2016
