రచన .. డాక్టర్.శ్యామల గడ్డం...
++++++++++. ...08-04-2017....
చిలిపి నవ్వులే విరియకపోతే జీవితమందున వెలుగే ఉండదు..
ప్రకృతి కాంతయే పులకించకనే ఇలలో పుడమికి తడియేఉండదు..
అరుణకాంతులూ చిందకపోతే జలజవికాసము మెరుపే లేదులె
వసంత కోకిల పాడకపోతే ఋతువునకందము అసలేఉండదు...
రాతిరి వెన్నెల పిండు కురియగా చకోర పక్షులు సంతసమందును
ధవళకాంతులూ నిండినంతనె కలువకళికలకు అలుపేఉండదు....
ఉషోదయానా ఇనబింబమును చూచినంతనే చేతనమొసగును...
వడివడిపరుగూ తీసినంతనే మనసున బధ్ధకమసలే ఉండదు..
శ్యామ నగవులే చిరుకానుకలూ అనుకొనినువ్వూ సాగిపోవగా
వినయమె నయమూ ధృతియే పథ్యం .విజయమెతథ్యం తిమిరమె ఉండదు...
డాక్టర్.శ్యామలగడ్డం.....
No comments:
Post a Comment