ఎదురుచూపు.. కవిత..

22-04-2017...

ఎదురుచూపు ఇంకెన్నాళ్ళు?.. కవిత

ఎండమావిలో. ఎదురేచూసా
నీటి బిందువు కనబడునేమో
పులినస్థలి లో పరుగేతీసా
బాటవెంబడి బరువుగ కదిలా

ఎటుచూసినా ఎడారి...
నా నీడ బరువుగ తోచిందేమో
కడవెత్తుకుని కడలిని మోసా..
మళ్ళీ మళ్ళీ మరీచికలే...

ఇసుకరేణువుల వేడినితాకి.
పాదములేమో పర్రెలుబాసె
నీటిచుక్కకే అలమటించగ..
బుక్కెడుబువ్వ దొరికేదెట్లా?...

బారెడు దూరం సాగిన గానీ
చెలమ కలుములు కనపడవాయె..
అంబువుజాడ అసలే లేదు..
కన్నీరే నీరుగ తాగుటకంటే..
మార్గమేదియూ కనబడదాయె...

డా. శ్యామలగడ్డం...22-03-2017...