గజల్ పూరణం...12....రచన .. డా. శ్యామలగడ్డం....13-10-2016....
బడబాగ్నిని దాచుకోని సంద్రమెచట ఉంటుందీ
వేదనలను దాచుకోని అబల ఎచట ఉంటుందీ
మరీచికలొ మంచి నీటి చెలమ వెతక ప్రయాసయే
దుష్టబుద్ధి తరచిచూడ ప్రేమ ఎచట ఉంటుందీ
బ్రహ్మ రాయు రాతలోన మర్మమేమొ తెలియదులే
లక్ష్మి తోడ సరస్వతియె కలయికెచట ఉంటుందీ
చుక్కలన్ని పక్కలుగా మారినవీ ఈవేళా
చక్కనైన చందమామ రాక ఎచట ఉంటుందీ
గున్నమావి గుబురులోన దాగి పోయె కోయిలొకటి
శ్యామ గీతానికి కరగని హృది ఎచట ఉంటుందీ...
డా. శ్యామలగడ్డం....13-10-2016...
No comments:
Post a Comment